Dischoccupads, firmas che van bancrut e la prestaziun economica che sa reducescha massivamain – quai è la situaziun actuala tenor ils pleds dal secretariat da stadi per l'economia SECO. Questa situaziun na sa midia betg uschè spert.
![Pledadra.](https://www.rtr.ch/static/cms/images/960w/f0b73d.jpg)
187'000 interpresas hajan annunzià per totalmain 1,9 milliuns emploiads lavur curta. Quai ha ditg la directura dal SECO, Marie-Gabrielle Ineichen-Fleisch davant las medias a Berna.
Il product naziunal brut sa reduceschia l'onn current per 6,7 pertschient. La Svizra stoppia quintar cun ina reducziun da la prestaziun economica da 25 pertschient.