En chasas d’attempads e da tgira datti bleras unfrendas da corona. Perquai stuessan il persunal da tgira ed ils cussedents vegnir testads regularmain sin il virus. Da quest avis è Markus Leser da l’associaziun professiunala «Curaviva». Sche necessari duaja il Cussegl federal surpigliar quests custs.
Er la cumissiun da sanadad dal Cussegl naziunal propona ch’il Cussegl federal duaja finanziar tests facultativs en chasas d’attempads e da tgira. Il Cussegl federal vul proximamain prender posiziun en chaussa.
