Chareschia - Sindicats pretendan augment da paja per tuttas

Rauba dal mintgadi vegn pli chara, las premias da las cassas da malsauns creschan tenor las prognosas. Dentant n'hajan lavurantas e lavurants betg survegnì en ils ultims onns in augment da paja endretg, crititgescha l’Uniun sindicala svizra. Senza egualisar ora la chareschia hajan persunas cun pajas bassas e mesaunas 1600 francs pli pauc l’onn a disposiziun. Per famiglias cun uffants nua che tuts dus geniturs lavuran, calculeschan ils sindicats 2'200 francs l’onn damain. Perquai dovria tenor ils sindicats in augment da paja general.