La festa da tir federala 2026 a Cuira survegn sustegn. Radund in mez milliun francs datti dal chantun. Per l'ina dettia 200'000 francs or da la finanziaziun speziala per sport, per l'autra maximalmain 300'000 francs, sin basa da la lescha per il svilup da l'economia.
La festa da tir federala è in dals pli gronds eveniments sportivs da la Svizra cun radund 36'000 participants e participantas e 100'000 visitadras. Center da las festivitads è l'indirz da tir al Rossboden. Sper quel èn diversas concurrenzas anc en 20 fin 25 ulteriurs indrizs da tir en differentas vischnancas Grischunas. Ils organisaturs quintan cun custs totals da radund 14 milliuns francs.
La contribuziun ha il chantun Grischun annunzià en ina communicaziun a las medias.
