La Svizra e l'Austria pondereschan d'avrir bainbaud puspè ils cunfins. Plans concrets per avrir ils cunfins existian, ha ditg il chancelier austriac, Sebastian Kurz, envers l'emissiun 10vor10.
Gia aifer ils proxims dis vegnian schluccadas las controllas als cunfins e mez da zercladur duain ils cunfins puspè esser averts, uschia Kurz.
La Svizra conferma ch'i dettia plans per avrir ils cunfins cun l'Austria, dentant er cun la Germania e la Frantscha. Ils quatter pajais veglian pussibilitar communablamain puspè il traffic da viagiar, ha communitgà il Departament federal da giustia.