In mais suenter il cumenzament da la guerra èn las persunas en il Proxim Orient en grondas pitgiras. Sin vart israeliana mancan confamigliars e confamigliaras. Sin vart palestinaisa ston civilistas e civilists viver cun la tema da bumbardaments e chattar aua e vivonda che vegnan adina pli stgars.
Il focus da la Chadaina da Fortuna è da purtar vivondas ed aua e da sustegnair il provediment medicinal per ils umans en la Strivla da Gaza. En il mument dovria cunzunt agid là. In'escalaziun dal conflict en la regiun saja dentant pussaivla. En quai cas saja la a Chadaina da Fortuna pronta d'engrondir lur engaschi en ils pajais vischinantas.
Differentas partenarias da la Chadaina da Fortuna sajan gia involvidas en l'agid per la Strivla da Gaza: Caritas, cfd, HEKS, Médecins du Monde, MSF, Save the Children e la Fundaziun Terre des hommes. Tut quellas organisaziuns sa tegnian als principis d'agid umanitar. D'esser neutral, betg prender partida, esser independent ed uman. Las donaziuns na vegnian betg duvradas per finanziar instituziuns statalas, e vegnan duvradas là, nua ch'ellas vegnan duvradas il pli necessari.
