Tenor ina retschertga da Svizra Turissem pudessi questa stad dar enfin 12% dapli pernottaziuns. Quai dependia dentant cunzunt da la destinaziun. Ils blers giasts vegnan ad esser Svizzers, suandà da Tudestgs e Nordamericans.
Surtut en ils lieus classics per vacanzas da stad è da sentir ina gronda confidenza.
Er il Grischun spetga dapli giasts – ina retschertga actuala da Hotelleriesuisse Grischun prognostitgescha in augment da fin 1,2%. E quai malgrà ch'ils pretschs per pernottar creschan.
I guarda ora sco sch'il martgà accepta augments da pretsch da 2 fin 3%. Quests augments èn necessaris oravant tut perquai ch'er ils custs dals collavuraturs creschan adina dapli.
En il Grischun vegnan spetgads in zic pli paucs giasts da la Svizra ch'usità – persuenter dapli turists da l'America dal Nord e dals Stadis dal Golf.