L'hotellaria svizra ha pudì beneventar quest enviern tantas persunas sco anc mai. Tenor l'Uffizi federal per statistica muntan las 18 milliuns pernottaziuns in plus da 2,9% cumpareglia cun l'onn avant.
En il Grischun hai gì dal november 2023 enfin l'avrigl 2024 2,99 milliuns pernottaziuns. Quai èn 3,5% dapli che l'enviern passà.
Sulet l'avrigl è il dumber da las pernottaziuns ì enavos, cunzunt pervi dals giasts svizzers. La raschun saja che Pasca è stà quest onn il mars e l'onn passà l'avrigl.
Las destinaziuns grischunas han per part anc ina giada pudì meglierar lur bun resultat da l'onn passà. Lai, Engiadina San Murezzan e Tavau claustra han gì dapli pernottaziuns. Flem Laax ha gì 4,5% damain pernottaziuns che l'enviern passà.