A Baden e Rapperswil-Jona han var 4500 persunas demonstrà cunter las mesiras da corona . A Baden in per tschients, a Rapperswil var 3000 persunas. Omaduas demonstraziuns èn stadas lubidas. Tenor la polizia n'hai dà nagins gronds incidents. A Baden hai gist a l'entschatta da la demonstraziun dà provocaziuns tranter la manifestaziun e cunterdemonstrants. La polizia ed aspectaturs han però pudì quietar las duas partidas.
La maioritad dals demonstrants n'han betg purtà mascrina e n'èn betg sa tegnids vid las reglas da distanza.
«Solidaric or da la crisa» a Berna
A Berna èn tranter 300 e 400 persunas idas sut il motto: «solidaric or da la crisa – solidaric cunter dretg» sin la via. Cuntrari a Baden e Rapperswil ha la maioritad purtà mascrina. L'acziun sanestra veglia metter in accent cunter las demonstraziuns ed activitads dals extremists da la dretga ils ultims mais.
