La chareschia en Svizra è vinavant ida enavos cleramain il matg: giu sin 2,2% da 2,6% l'avrigl. Quai ha communitgà l’Uffizi federal da statistica. Uschè bassa saja ella stada l’ultima giada il favrer 2022. Rauba indigena ha custà il matg 2,4% dapli ch'anc avant in onn; rauba importada 1,4%.
Il svilup da l’inflaziun è decisiv per la decisiun da tschains directiv da la Banca naziunala svizra che stat sin il program ils 22 da zercladur. Actualmain spetgan economs per gronda part che la SNB vegnia ad augmentar il tschains directiv per ulteriurs 25 puncts da basa sin 1,75%.
audio
Per tadlar: Las novitads da las 12:00
ord RTR Audio dals 05.06.2023.
laschar ir. Durada: 4 minutas 49 Secundas.
