Aviun cupitgà - Duas persunas moran a Grenchen

Duas persunas èn mortas sonda suentermezdi a Grenchen perquai ch'in aviun pitschen è crudà giu. Tenor la polizia saja l'accident capità curt avant atterar sin la plazza aviatica en il chantun da Soloturn. L’identitad da las unfrendas sto anc vegnir sclerida. La polizia tschertga perditgas. Pertge che l'aviun è crudà giu sto il Servetsch svizzer d'inquisiziun da segirezza SUST anc intercurir.