Simonetta Sommaruga ha telefonà cun il primminister talian Giuseppe Conte davart la situaziun dals territoris da skis durant la segund'unda da corona.
Els cuntinueschian il dialog e la tschertga da schliaziuns, ha la presidenta da la Confederaziun scrit sin Twitter.
Dapi dis sa dispitan ils pajais da las Alps, sch'igl è necessari da serrar territoris da skis per evitar ch'il coronavirus sa derasa puspè, per exempel tras turists. La Svizra e l'Austria èn encunter.
Ord l'archiv
La branscha saja preparada per exempel cun definir concepts da protecziun che valan en l'entira Svizra. Mascrinas avant e sin ils runals, pli paucs passagiers en las telecabinas e restricziuns en las ustarias en il territori da skis.