L'Uffizi federal da sanadad ha annunzià ier 700 novas infecziuns. Suenter duas emnas relativamain stabilas, crescha il dumber pia puspè pli ferm – pertge na saja anc betg cler, ha declerà Tanja Stadler, professra da l'ETH e commembra da la task force da la Confederaziun.
Il mument infecteschan 10 persunas en media 12 persunas novas, fertant che 10 persunas han infectà l'emna passada be 9 persunas novas.
Perquai ch'i saja pli fraid, dettia dapli contacts ed uschia dapli infecziuns. Ma, quai na saja betg il sulet che possia declerar l'augment. Dapi il prim d'october datti puspè occurrenzas grondas. Ma: «Quai n'ha da far nagut cun quai. Pertge cas che nus detectain oz, giaschan gia passa in'emna enavos. Quai pudain nus pia excluder.»
