L'Armada svizra ha recrutà tantas dunnas sco anc mai. Sco il Departament federal da defensiun scriva, hajan 546 dunnas survegnì l'onn passà ina nova funcziun tar l'armada, quai sajan 63,2% dapli ch'anc l'onn avant. Dunnas ed umens han dumagnà tuttina savens cun success la mustra e survegnì ina funcziun en il militar u tar la protecziun civila. La quota da qualificaziun munta a radund 81%.
Pervi da la pandemia da corona hajan ins stuì adattar ils dis da recrutaziun, cun pli paucs participants e participantas. Ins haja dentant tuttina chattà avunda recruts e recrutas per la stad 2021 e l'enviern 2022.
