Sin ina pastira en l'Appenzell Dadens ha in luf stgarpà dapi la dumengia passada duas nursas. Ulteriurs animals ha il luf blessà e tscherts animals èn anc sparids. L'uffizi chantunal per l'agricultura e l'administraziun da chatscha averteschan ils possessurs d'animals d'esser precauts. Il luf saja probabel anc en il conturn.
L'emprim animal ha il luf stgarpà dumengia passada. La gievgia hai lura dà in ulteriur cas. Ils fastizs dals stgarps laschian supponer, ch'i sa tractia en omadus cas dal medem luf. La DNA dal luf vegn uss examinada en il labor, per pudair identifitgar l'animal.
Ord l'archiv:
RR novitads 12:00