En media han puras e purs svizzers fadià dapli l’onn passà. Cumpareglià cun il 2020 sajan las entradas agriculas s’augmentadas per 1,9% ed hajan muntà en media a bunamain 81'000 francs per manaschi. Quai demussan las datas dad Agroscope, il center da cumpetenza da la Confederaziun.
Da contribuir saja quest svilup tranter auter als pretschs pli auts per latg e charn-bov. Er la producziun d’ovs e da pulom saja s’augmentada ed haja procurà per dapli svieuta. La surpurschida da charn-portg e cundiziuns d’aura difficilas per la cultivaziun da plantas hajan sminuì il gudogn.