Pli paucs daners per l’agricultura: Il Cussegl federal ha tramess en consultaziun il sustegn finanzial per l'agricultura per la perioda dal 2026 enfin il 2029. En tut prevesa quel cun passa 13,6 milliardas francs – 2,5% pli pauc ch'il sustegn per la perioda actuala.
Sco tut ils auters secturs è era l’agricultura pertutgada da las mesiras da spargn. Quellas aveva il Cussegl federal decis per tut ils departaments, causa la situaziun finanziala tendida da la Confederaziun.
Tuttina duess l'agricultura survegnir dapli daners per pudair s'adattar a la midada dal clima. Quai cun disponer enturn raps, oravant tut cun prender quels or dal budget per ils pajaments directs. Per s'adattar a la midada dal clima duessan uschia las structuras vegnir meglieradas cun 86 milliuns francs.
Era per elevar culturas e sorts resistentas a malsognas, e per la protecziun da plantas vegn il budget augmentà per 24 milliuns francs. La finamira è cun quai era da meglierar il provediment e la segirezza da mangiativas en Svizra.
La consultaziun dura fin ils 24 da schaner 2024.