Per l'ina duai l'agricultura s'adattar vi da la stgaudada globala. Per l'autra duai l'effect da quella sin la stgaudada da clima vegnir sminuì. E l'agricultura duai nutrir ina pli gronda part dal pajais.
Cuntanscher vul la Confederaziun quai tranter auter cun reducir il consum da charn, ed educar il persunal en l'agricultura. Plinavant vul la Confederaziun investir en tratgas adattadas a las novas cundiziuns e sviluppar in concept da nizzegiar l'aua.
Concretas finamiras fin il 2050 èn:
- producir 50% da mangiativas sez
- sminuir las emissiuns tras il nutriment total en Svizra per dus terz
- e tras la producziun agricula en Svizra per 40%, cumpareglià cun l'onn 1990
La nova strategia che la Confederaziun ha lantschà, remplazza quella dal 2011. Ella vegn gia crititgada fermamain, ch'ella n'haja betg avunda mesiras per cuntanscher las finamiras d'organisaziuns d'ambient.
audio
Per tadlar: las novitads da las 15:00
ord RTR Audio dals 05.09.2023.
laschar ir. Durada: 2 minutas 32 Secundas.