L’iniziativa per ina 13avla renta da AVS è reussida formalmain. La Chanzlia federala ha registrà bunamain 102'000 suttascripziuns valaivlas.
L’Uniun sindicala svizra aveva inoltrà quella iniziativa «per ina meglra vita en la vegliadetgna» a la fin matg.
L’iniziativa dal pievel pretenda ch’i vegn introducì da pajar ora ina renta dapli – analog a la 13avla paja. Tenor ils iniziants augmentass quai la renta totala per radund 8 %. Cunzunt tgi ch’haja ina paja mediocra u bassa profiteschia.
Sco proxim sto il Cussegl federal prender posiziun tar l’iniziativa. Cura che l'iniziativa vegn a l'urna na sa lascha anc betg dir.
Ord l'archiv
L'AVS – l'assicuranza per vegls e survivents – datti dapi il 1948 en quella furma sco nus enconuschain oz ella. Il 1947 han ils umens svizzers detg GEA ad ella.