Il proxim onn quinta l'Institut da perscrutaziun da la conjunctura da la ETH (KOF) cun custs per la sanadad en Svizra da 92,7 milliardas francs. Quai tanor il nov studi publitgà il mardi. Ils custs creschan per 3,6% cumpareglià cun las 89,5 milliardas dal 2022. Per l'onn 2024 prognostitgeschan ils perscrutaders in ulteriur augment da 3,1% sin 95,6 milliardas francs. Quintà per abitant munta quai a custs da 10'190 francs per persuna l'onn 2022 che creschan a 10'612 francs fin il 2024.
Sminuziun per il stadi
Auter che tar ils abitants vesa la KOF ch'ils custs da sanadad per il stadi sa diminueschian. Las expensas èn stadas pervia da la pandemia da Covid-19 pli autas che normalmain. Sch'i na dettia naginas surpraisas tar la pandemia duain ils custs sa normalisar fin 2024.
