Malgrà la bellezza aura eri ina ruassaivla sonda avantmezdi tar ils schrebertins a Domat. Be paucas persunas eran vid far las davosas preparativas per lura esser pronts da semnar legums, fritgs ed ervas.
-
Bild 1 von 2Legenda: RTR/Ronja Muoth -
Bild 2 von 2Legenda: RTR/Ronja Muoth
Las lavurs las pli impurtantas
Uss è il temp da far las lavurs da preparaziun en ils schrebertins, per ch'ils ierts èn pronts da semnar en l'avril.
Far urden, zerclar e chavar enturn la terra. Quai èn las lavurs las pli impurtantas.
-
Bild 1 von 3Legenda: Murselji Veselj, da la Mazedonia, fa gugent tut las lavurs en ses iert. RTR, Ronja Muoth
-
Bild 2 von 3Legenda: Murselji Veselj è vid chavar enturn ses iert. RTR, Ronja Muoth
-
Bild 3 von 3Legenda: Ayrie Selmani, da la Mazedonia, vegn mintgadi tar ses schrebertin. RTR, Ronja Muoth
Blers han era da renovar u perfin bajegiar da nov, per exempel la serra per las tomatas:
-
Bild 1 von 2Legenda: La nova serra per las tomatas survegn furma. RTR/Ronja Muoth
-
Bild 2 von 2Legenda: Marko Radat, da la Croazia, renovescha sia serra. I dat nova laina, plastic e strubas. RTR/Ronja Muoth
Per Ayrie Selmani, Muselji Veselj e Marko Radat è il schrebertin ina passiun. Uschia fan els era gugent mintga lavur ch'è da far en l'iert. Pervia da la setgira, hajan els quest onn dapli lavur cun bagnar. Sche la qualitad dal terratsch patescha fitg sut quai, saja anc memia baud per giuditgar, dian Marko Rabat e Murselji Veselj.
Gril e bavrondas
Els tschintg sa legran sin l'avrigl. Betg be perquai ch'els pon lura semnar bunas chaussas, ubain era ch'i vegn pli chaud e da lura pudair grillar e baiver insatgi ensemen cun las autras persunas en il schrebertin.