- En il Grischun èsi l'entir enviern pussaivel da far sport d'enviern. Cuntrari ad auters chantuns lascha il Grischun avert territoris da skis, quai che carmala giasts ed indigens sin las pistas – tenor la regenza saja quai la meglra metoda co reparter la glieud a moda controllada. Er cun laschar avert las terrassas en ils territoris.
- Ils 4 da schaner survegnan las emprimas persunas ina dosa dal vaccin cunter il coronavirus. L'entschatta fan las chasas d'attempads e tgira a Cuira, pli tard vegn il vaccinar schlargià sin l'entir chantun.
- Mez schaner datti il déjà-vu, la Svizra va en ses segund lockdown. Sper la gastronomia ed ils implants da temp liber ch'avevan gia portas serradas ston er tut las butias che na vendan betg chaussas necessarias per il mintgadi serrar, quai enfin fin favrer.
- La fin favrer ston er las terrassas en ils territoris da skis serrar. Uschia perda il chantun la lutga da terrassas cunter la Confederaziun che ha gia in temp fatg squitsch da serrar las terrassas, cunquai ch'er ustarias en ils vitgs e las citads na dastgan betg porscher plazs sin terrassas.