2 dis suenter la glisch verda da l'Uffizi federal da l'ambient per regular il triep dal Beverin, ha la surveglianza da chatscha chantunala pudì sajettar 2 lufs giuvens. Sco quai ch'il chantun communitgescha, vegnan ils lufs sco proxim analisads ed identifitgads geneticamain da l'ospital d'animals da las l'universitads da Berna e Losanna.
Avant paucs dis aveva l'Uffizi federal per l'ambient dà la lubientscha al chantun Grischun da regular il triep da lufs al Beverin. La lubientscha vala per 3 lufs giuvens – però betg per il bab dals luffins, sco quai ch'il chantun aveva dumandà.
Per entant continuescha la surveglianza da chatscha grischuna d'ademplir la regulaziun e sajettar anc il terz luf. Davart il proceder pli exact na tradescha il chantun però nagut – annunzia però da vulair infurmar periodicamain davart l'andament.
