Refurma da giustia - Regenza vul stgaffir in nov secretariat general

Cun refurmar la giustia grischuna prevesa la regenza da stgaffir in nov secretariat general. Quel duai distgargiar derschadras e derschaders da la nova dretgira superiura – da lavurs administrativas, sco il chantun scriva. Il 2019 aveva il Cussegl grond decidì da fusiunar la dretgira chantunala e la dretgira administrativa, a la nova dretgira superiura. Quella duai sa chasar a la Grabenstrasse, en il center da Cuira. Il zercladur decida il Cussegl grond davart questas fatschentas. La votaziun a l'urna fiss lura previsa per la fin november.