Il Cussegl federal decida davart las reglas da reentrar en Svizra suenter vacanzas sch'ins n'ha betg in certificat da Covid. A discussiun stattan duas variantas. In segund test 4 fin 7 dis suenter l'entrada en il pajais u ina quarantina da 10 dis. Il chantun Grischun vul ni quarantina ni tests, sco quai ch'il cusseglier guvernativ Marcus Caduff ha ditg. Ils custs per ulteriurs tests sajan gronds ed er l'organisaziun fissia greva.
I vegn pli cumplitgà
Fitg probabel è che vacanzas vegnan pli cumplitgadas per persunas betg vaccinadas u guaridas, davent da gliendisdi – cunquai che omaduas variantas en consultaziun prevesan almain in test negativ.