-
Bild 1 von 12. Il reporter Ursin Lechmann (san.), il locomotivist Marc Berther e la reportra Gierina Gabriel (dre.). Bildquelle: RTR, Ursin Lechmann.
-
Bild 2 von 12. Gierina Gabirel rapporta live al radio da sias impressiuns en viadi cun il locomotivist. Bildquelle: RTR, Ursin Lechmann.
-
Bild 3 von 12. Traversar il rain - per ina giada ord tut in'autra perspectiva. Bildquelle: RTR, Gierina Gabriel.
-
Bild 4 von 12. Il locomotivist Marc Berther en la locomotiva dal tren en direcziun Mustér. Bildquelle: RTR, Gierina Gabriel.
-
Bild 5 von 12. In dals numerus tunnels sin la rait da la Viafier retica - ord la perspectiva dal locomotivist. Bildquelle: RTR, Gierina Gabriel.
-
Bild 6 von 12. Gierina Gabriel en discurs cun il locomotivist Marc Berther. Bildquelle: RTR, Ursin Lechmann.
-
Bild 7 von 12. In panorama magnific or da la locomotiva da la Viafier retica. Bildquelle: RTR, Gierina Gabriel.
-
Bild 8 von 12. Il locomotivist Marc Berther. vi da la lavur. Bildquelle: RTR, Gierina Gabirel.
-
Bild 9 von 12. En viadi vers Arosa. Bildquelle: RTR, Gierina Gabriel.
-
Bild 10 von 12. Il plaz da lavur dal locomotivist Marc Berther. Bildquelle: RTR, Gierina Gabriel.
-
Bild 11 von 12. Da viadi en la locomotiva vers Arosa. Bildquelle: RTR, Gierina Gabriel.
-
Bild 12 von 12. Dumagnà si Arosa:. Chars cun 180 tonnas material vegnan stuschads en ina susta. Bildquelle: RTR, Gierina Gabriel.
Igl è il siemi da blers uffants – ina giada pudair esser passagier en ina locomotiva e betg mo en ils chars da persunas. La reportra Gierina Gabriel po oz accumpagnar il locomotivist Marc Berther in avantmezdi durant sia lavur.
Vinavant vai lura en il Rail Control Center a Landquart. Là controlleschan e reguleschan ils survegiladers da manaschi il traffic dal tren sin l'entira rait.
Greva chargia
Sper il tren ordinari da persunas ha il tren da Marc Berther er anc gì da trair vers Arosa chars da material cun ina paisa supplementara da 180 tonnas. Quai è stà da sentir vi da vibraziuns e scurlattims en la locomotiva. Er il locomotivist n'era betg dal tut segir sch'els possian cun l'entira chargia fin ad Arosa. La finala è però tut ì senza incaps.
davos las culissas da la VR
Vegnir pajà per quai che auters pajan
Il locomotivist Marc Berther na midass er suenter passa set onns betg plaz da lavur. Auters pajan per dastgar vesair quai ch'el vesia mintga di, el vegnia pajà per vesair ina uschè bella cuntrada. El saja fitg cuntent cun sia professiun.
Jau sun uss set onns e mez tar la viafier ed jau giaud anc adina mintga di sco sch'i fiss bunamain l'emprim.
Bel vi da la lavur sco locomotivist è tenor Marc Berther er ch'ins vesia bler pli intensivamain las stagiuns sch'ins saja mitga di da viadi tras la natira. Puncts negativs vi da sia lavur na datti per el betg blers. Bain ina u l'autra chaussa ch'ins midass gugent u pudess far meglier sco en mintga professiun, manegia il locomotivist. Sulet vi dals temps da lavur in zic malregulars stoppian ins s'endisar. Però saja er bel sch'ins saja a fin da l'ina e possia lura giudair la bell'aura da stad.
RR actualitad 06:00