Dus lufs giuvens dal triep da Stagias, sisum la Surselva, na pon betg vegnir sajettads. L’Uffizi federal d’ambient n'ha betg lubì la dumonda dal chantun Grischun. Ils donns vid ils animals da niz protegids na sajan betg avunda gronds, uschia l’argumentaziun. La raschun è che na betg tut ils animals stgarpads ch’il chantun ha inditgà sajan stads protegids.
Il BAFU ha fatg in decret, uschia che la regenza grischuna po far recurs tar il Tribunal administrativ federal. Avant radund duas emnas aveva l'Uffizi federal d'ambient dà la lubientscha da sajettar trais lufs giuvens dal triep da Beverin.
