Giast tar Ladina Schena ed expert puncto biodiversitad è stà Hans Lozza, manader da la communicaziun tar il Parc Naziunal Svizzer. Ensemen han els empruvà da sclerir tranter auter questas dumondas:
- Tge è biodiversitad insumma?
- Nua vesain nus la biodiversitad?
- Pertge è ella impurtanta?
- Pertge svaneschan insects pli e pli e pertge è quai problematic?
- Tge po mintginA da nus far per augmentar la biodiversitad?
- Fai insumma senn da gidar la natira u èsi plitost da surlaschar ella a sa sezza ?
- Co statti insumma cun la biodiversitad en Svizra? Èsi gia memia tard da far insatge?
«1. meter quadrat» sin missiunb.ch
Sper rapports davart la biodiversitad al radio, a la televisiun ed online è ina finamira da «Missiun B» er da rimnar communablamain cun Vus en l'entira Svizra uschè blera nova surfatscha biodiversa sco pussaivel.
Per rimnar surfatschas biodiversas ha RTR creà ensemen cun SRF, RTS ed RSI la pagina d'internet www.missiunb.ch . Là chattais Vus ina charta da la Svizra, nua che mintgina e mintgin po inditgar novas surfatschas biodiversas. En l'emprima Canorta da «Missiun B» han Ladina Schena, Hans Lozza e Claudia Cathomen, la manadra dal project tar RTR, declerà co che quai va ed era gist inditgà ensemen ina surfatscha biodiversa creada durant l'emissiun.
-
Bild 1 von 3Legenda: Claudia Cathomen e Hans Lozza han plantà «l'emprim» meter quadrat biodiversitar per RTR. RTR, Gion Gieri Flepp -
Bild 2 von 3Legenda: La partenza per «Missiun B» live al radio e sin ils chanals socials. RTR, Gion Gieri Flepp
-
Bild 3 von 3Legenda: Cun ina era auta biodiversa ha RTR lantschà la «Missiun B» en Rumantschia ed en il Grischun. RTR, Gion Gieri Flepp
Co poss jau ma participar?
Sa participar è simpel: Crear ina nova surfatscha biodiversa, p. ex. cun laschar crescher ina part dal pastget empè da segar giu el dal tut, ubain plantar en in chista intginas flurs indigenas empè da geranis. Silsuenter registrar questa surfatscha sin www.missiunb.ch, e gia avais Vus contribuì insatge a la biodiversitad en il Grischun, en Svizra. Dapli infurmaziuns p. ex. tge spezias da fluras u plantas ch'èn indigenas en Vossa regiun u er tge surfatschas ch'ins po inditgar ed anc bler dapli davart la biodiversitad, chattais Vus medemamain sin la pagina www.missiunb.ch .
Tge surfatschas valan per «Missiun B»?
- Dapli dal project «Missiun B» .
- Registrai Vossa surfatscha biodiversa sin missiunb.ch .
- As participai a nossa gruppa sin Facebook .
RR actualitad 11:00