-
Bild 1 von 8Legenda: Nus discurrin sur da la racolta... RTR -
Bild 2 von 8Legenda: ... cun Batist Spinatsch, il manader furmaziun e cussegliaziun dal Plantahof che sesa uss cun Ladina Schena en il bussin da RTR. RTR, Flurin Clalüna
-
Bild 3 von 8Legenda: Davart sorts spezialas da maila... RTR
-
Bild 4 von 8Legenda: ...discurra noss reporter Flurin Clalüna cun l'emprendist da pumicultur Joshua Pinggera. RTR, Flurin Clalüna
-
Bild 5 von 8Legenda: Davart l'iva e la racolta da vin 2019... RTR
-
Bild 6 von 8Legenda: ... raquinta Moritz Villinger, schef-cussegliader da vin. RTR, Flurin Clalüna
-
Bild 7 von 8Legenda: E davart ils avieuls ed il mel... RTR
-
Bild 8 von 8Legenda: Discurrin nus cun Roland Ungricht, schef-apicultur dals avieuls dal Plantahof. RTR, Flurin Clalüna
Il center da scolaziun per puras e purs è in lieu cun ina lunga tradiziun. Dapi 120 onns datti numnadamain la scola d’agricultura dal Grischun e perquai il lieu ideal per discurrer – ussa il settember – sur da la racolta.
La racolta da maila
Joshua Pinggera fa il giarsunadi sco specialist da fritgs. El emprenda d'emplantar novas plantas, el tgira ils pumers existents e surtut racolta el ils mails, la paira ed ils auters fritgs. Al Plantahof datti 102 sorts maila. Quels han ins chattà en tut il chantun e manà els a Landquart.
Cunquai ch'il Plantahof racolta circa 120 tonnas maila mintg'onn dovra il cente da furmaziun in local spezial per magasinar la maila, declera Batist Spinatsch.
La racolta da vin
Las emprimas ivas hajan els gia racoltà - quellas per il vin alv, raquinta il cussegliader da vin dal Plantahof Moritz Villinger. Fin uss saja el cuntent cun la racolta e spetgia cun brama sin il vin cotschen. I saja dentant anc memia baud per giuditgar la qualitad dal vin 2019.
La racolta da miel
La primavaira saja la racolta stada nauscha - la stad haja dentan dà dapli miel. Uschia resumescha Roland Ungricht , il schef-apicultur dal Plantahof, l'onn enfin ussa.
Ils avieuls ch'han lavurà durant la stad moran uss, novs avieuls che tgiran durant l'enviern la masaina naschan e cumenzan a sgolar. In pau hectica datti durant quest temp adina.
- Dapli dal project «Missiun B» .
- Registrai Vossa surfatscha biodiversa sin missiunb.ch .
- As participai a nossa gruppa sin Facebook .
RR actualitad 11:00