Davent da definir ils temas, sur la producziun da las contribuziuns enfin tar la registraziun da las moderaziuns vegn l’entira emissiun dal proxim Minisguard dals 08.06.2019 producida dal tuttafatg en la scola da Trin. E quai ensemen cun las scolaras ed ils scolars. Per la redacziun dal Minisguard munta quai: Far las valischs cun cameras e plazzas da tagl.
Glindesdi – blera nova tecnica
Glindesdi
Las scolaras ed ils scolars da Trin han gia preparà ensemen cun la redacziun ils temas per lur emissiun. Las preparaziuns èn fatgas. Ma per pudair filmar e tagliar dovri sco emprim in’introducziun per las giuvnas ed ils giuvens schurnalists.
-
Bild 1 von 3Legenda: Empriva emprova vid la camera. RTR, Mirco Manetsch
-
Bild 2 von 3Legenda: Tuts èn pronts. RTR, Mirco Manetsch
-
Bild 3 von 3Legenda: Ils umens da camera vid la lavur. RTR, Mirco Manetsch
Mardi – oz vegn producì
mardi
Ils emprims videos per social media ed ils trenaments cun las cameras èn fatgs. Oz vegn filmà tut las contribuziuns. Per las scolaras ed ils scolars da Trin munta quai bleras novas impressiuns ed emprovas cun la camera.
-
Bild 1 von 7Legenda: Ils schurnalists cun las dumondas criticas. RTR, Mirco Manetsch
-
Bild 2 von 7Legenda: Las culissas èn prontas. RTR, Mirco Manetsch
-
Bild 3 von 7Legenda: Team «Social». RTR, Dominik Hardegger
-
Bild 4 von 7Legenda: Per buna luna procura il workshop cuschinar. RTR, Dominik Hardegger
-
Bild 5 von 7Legenda: Era il president da vischnanca Trin sto prender posiziun. RTR, Dominik Hardegger
-
Bild 6 von 7Legenda: Era in Storyboard sto vegnir fatg. RTR, Mirco Manetsch
-
Bild 7 von 7Legenda: Durant l'intervista. RTR, Mirco Manetsch
Mesemna – il di creativ
mesemna
Oz han las scolaras ed ils scolars da Trin da malegiar e tagliar lur contribuziuns. Vinavant vegnan las moderaziuns scrittas e trenadas; pertge damaun è lura il grond di.
Gievgia – il grond finale
Gievgia
Entant ch’intginas scolaras e scolars ston anc finir las contribuziuns, vegnan trenadas gia las moderaziuns. Questa saira a las 17:30 spetga lura il grond eveniment: Tut las moderaziuns vegnan fatgas sin il plaz scola a Trin. E tut tgi che ha gust, dastga vegnir a guardar, co las giuvnas schurnalistas ed ils schurnalists fan lur lavur.
RTR Minisguard 17:40