- La via dal Bernina daventa pli segira e pli attractiva. La regenza grischuna ha dà glisch verda al project da renovaziun e da revitalisaziun da l'Ova da Bernina. Per passa 20 milliuns francs vegn uschia schlargià la via tranter Morteratsch e Bernina Suot, revitalisà il flum e creà ina plazza panoramica. Da quest custs surpiglia il chantun var 17 milliuns. Ils custs restants surpiglian tranter auter la vischnanca da Puntraschigna e la Viafier retica.
- Il chantun vul impedir che plantas ed animals exotics sco la conchiglia quagga vegnan importads en las auas grischunas. Perquai vegn introducì ina obligaziun dad annunziar e da nettegiar bartgas, communitgescha l'Uffizi per la natira e l'ambient. L'introducziun succeda sin il pli baud l'avrigl.
- In'allianza da differentas partidas cumbatta l’iniziativa che vul ina protecziun per l’ambient pli gronda. Per l’allianza è l’iniziativa utopica, senza senn e betg necessaria. La Svizra saja gia vidlonder da reducir las emissiuns ed il consum da resursas. L’iniziativa vul che la Svizra reduceschia sia polluziun da l’ambient per var 67% entaifer 10 onns. Da l’allianza cunter l’iniziativa fan part la Partida liberaldemocratica, la Partida populara svizra, l'Allianza dal Center, il forum da consumentas e consuments e l’organisaziun da branscha Infra Suisse. Il favrer decida il suveran svizzer en chaussa.
- En la Germania ha il chancelier Olaf Scholz pers la confidenza dal «Bundestag», il parlament tudestg. Uschia è la via per novas elecziuns ils 23 da favrer libra. En la votaziun davart la dumonda da confidenza han 207 deputadas e deputads vuschà per Scholz, e cun 394 bunamain il dubel uschè blers cunter el. 116 èn s’abstegnids da la vusch.
Themen in diesem Newsticker
- Almain trais morts tar amoc en ina scola en l'America
- Skicross: 9 Svizzers e Svizras en las cursas da k.o dal mardi
- Sa registrar per bigliets «Eurovision Song Contest»
- Agid per interpresas d’atschal e d’aluminium
- Uss èsi cler cunter tgi che las Svizras dattan
- Gottéron sa rinforza per la Cuppa Spengler
- Scholz propona da schliar il Bundestag
- Credits, budget ed adia a Sepp Föhn
- Novas dal dictatur cupitgà sirian Baschar al-Assad
- Laina vegn arsa memia baud en Svizra
Podcast
RTR – Il di
Ulteriurs audios e podcasts
La survista dal di cun las pli impurtantas novitads per tadlar curt e cumpact.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.