- Loic Meillard na vegn betg or da las festas. Suenter ch'el ha gudagnà ier il slalom gigant en la Norvegia ha el era gudagnà il slalom dad oz, dumengia. Meillard po uschia festivar sia 6avla victoria da cuppa mundiala. Sin il 2. plaz è il Norvegiais Atle Lie McGrath ed il podest cumplettescha Lucas Pinheiro Braathen che va cun skis per la Brasilia.
- Raschun da far festa han era gì Aita Gasparin e ses collega da team Niklas Hartweg. En la Slovenia ha quest duo gudagnà la staffetta maschadada singul. Quai è l'emprima giada che in duo svizzer gudogna en questa disciplina da biatlon. Quai è pia ina victoria istorica.
- Pervi da in incendi en ina discoteca en la Macedonia dal Nord èn 59 persunas mortas e 155 blessadas. Cunter 4 persunas datti in cumond d'arrest. Cumenzà ad arder hai durant ch'ina band ha dà in concert en la discoteca, radund 1'500 persunas eran preschentas. Las emprimas retschertgas mussan ch'i ha probabel cumenzà ad arder pervi da fieu artifizial sin tribuna.
Themen in diesem Newsticker
- Il HCD ha era gudagnà il segund gieu dals playoffs cunter Zug
- En ils Stadis Unids è la partida democratica en ina crisa
- Mirra Andrejewa gudogna turnier ad Indian Wells
- Stadis Unids pajan El Salvador per surpigliar criminals supponids
- Duas persunas grev blessadas pervi da ina lavina
- Emprima fotografia dal papa malsaun
- Huthis e regenza americana smanatschan cun ulteriura escalaziun
- Dapli che 40 tornados en ils Stadis Unids
- Monument istoric naziunal è dà ensemen
- Super League: Servette resta a la testa da la tabella