- La vischnanca da Surses surpiglia il deficit da dus milliuns francs dal Center da Sanadad Savognin SA. Quai ha la radunanza communala decidì, cun approvar il budget 2025. Per ch’ils daners arrivian lura per propi, ston ils responsabels dal center preschentar la primavaira in plan concret.
- Il Tribunal administrativ federal vegn a la decisiun, che l’ uniun «CH Wolf» na haja nagin dretg da far recurs sco organisaziun. L’uniun n’adempleschia betg tut ils criteris per avair quest dretg. Questa decisiun po «CH Wolf» trair vinavant al Tribunal federal.
- La Svizra sistescha per immediat las proceduras e las decisiuns d'asil per persunas da la Siria. Quai communitgescha il Secretariat da stadi per la migraziun. Actualmain na possian ins betg examinar da rudent sche persunas da la Siria hajan bunas raschuns per asil, e sch'ina decisiun da repatriar saja supportabla.
- Il Club da hockey da Tavau engascha in attatgader canadais per la cuntinuaziun da la stagiun. Brendan Lemieux ha dà ils davos onns passa 300 partida en la pli auta liga americana, la NHL. Ed el è il figl da Claude Lemieux che ha gudagnà quatter giadas la cuppa Stanley.
Podcast
RTR – Il di
Ulteriurs audios e podcasts
La survista dal di cun las pli impurtantas novitads per tadlar curt e cumpact.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Themen in diesem Newsticker
- Cussegl naziunal vul meglier sustegn per uffants cun autissem
- Surses tanscha il maun al Center da sanadad Savognin
- Austria dat si la resistenza
- Cussegl dals chantuns di Gea al budget
- Giuvenils da Cuira fan inscunters da violenza
- Dario Bürgler fa in'ulteriura stagiun
- L’armada po sa legrar da dapli daners
- Per campiunadi europeic da ballape da las dunnas duai dar dapli
- Segunda terrada per ils unihockeyans svizzers
- Siria: regenza d'Assad resta vinavant en uffizi