- La vischnanca da Domat ed il WWF fan recurs encunter la decisiun dal chantun en connex cun la deponia «Rusna da furns» sin l'areal da la Ems Chemie. Quel veva decis da betg sanar la deponia che savess esser la raschun per la contaminaziun da l'aua da baiver cun Tricloreten. Cunter questa decisiun fan la vischnanca ed il WWF recurs tar la Dretgira superiura dal Grischun.
- En la Val Müstair po la scola a Müstair vegnir sanada. La radunanza communala ha ditg Gea al credit da 6,9 milliuns francs. Cun la sanaziun duai il manaschi da scola en la val vegnir simplifitgà ed ils custs per il transport dal uffants vegnir reducì. Fin che la scola a Müstair è però pronta van tut las scolaras ed ils scolars a Santa Maria a scola.
- Il Center ha lantschà il process da nominaziun per chattar in successur u ina successura per il president da partida Gerhard Pfister. Ina candidatura singula stoppia exnum vegnir or da la fracziun da la chasa federala – tar ina co-candidatura almain ina persuna, hai gì num davant las medias a Berna. Tenor indicaziuns da la cumissiun da recrutaziun tschertga Il Center tranter auter ina persunalitad cun dun da manar, cun visiuns strategicas cleras e cun gronda experientscha politica.
- En la concurrenza da team en ils aerials al campiunadi mundial da freestyle ha il trio svizzer cun Lina Kozomora, Noé Roth e Pirmin Werner gudagnà bronz. La medaglia d'aur ha il team american gudagnà, avant il team da l'Ucraina.
La survista dal di
Themen in diesem Newsticker
- Las dunnas dal SC Berna èn campiunessas svizras
- Dapli schuldada russa en l'Arctica
- Naginas cullas da slalom per la Svizra
- Nicolas Sarkozy duai ir set onns en praschun
- Vendì tut ils bigliets per l'ESC en 22 minutas
- ESA ha relascha sia sonda «Gaia» en l'univers
- Quartet svizzer fa part als finals da snowboard freestyle
- In pass enavant: invista en actas da cumpra d'aviun cumbat F-35
- Il Center tschertga successiun per president Gerhard Pfister
- Disgrazia cun sutmarin e plirs morts en l'Egipta