- La musicista sursilvana Marie Louise Werth è vegnida undrada cun il «Bündner Award». L'uniun Bündner helfen Bündnern ha surdà il premi sonda saira. Marie Louise Werth survegn il premi per ses engaschament social e musical e per la promoziun naziunala ed internaziunala dal rumantsch, la musica e la cultura grischuna.
- A Sent ha decis la tschintgavla classa il logo per il Reservat Biosfera UNESCO Engiadina/Val Müstair. Sco quai che la FMR scriva, han trais scolaras da la classa da Sent gudagnà la concurrenza per il logo. Quai tranter 24 propostas da Sent e dal gimnasi a Ftan. Gudagnà han las scolaras ina spassegiada guidada en il Parc Naziunal per ellas e lur classa.
- Grond'onur per il giugader da ballape sursilvan Fabrizio Cavegn. Il Lumnezian è vegnì undrà sco meglier giugader da l'onn da la Svizra Orientala. Il premi è vegnì surdà al giuven da 21 onns a chaschun da la «Saira dal ballape da la Svizra Orientala». Cavegn gioga per il FC Vaduz en la Challenge League.
- Il suveran dal Principadi da Liechtenstein ha sepulì l'emettur da radio dal dretg public, il Radio Liechtenstein. A chaschun d'ina votaziun a l'urna han 55,4% da las votantas e dals votants approvà ina iniziativa dal pievel che pretenda ch'ils daners publics per l'emettur vegnian stritgads. La participaziun a la votaziun è stada tar 59,3%.
La survista dal di
Themen in diesem Newsticker
- Lantsch approva credit per societad d'abitadi
- Israel na duai betg scumandar la UNRWA
- Cybatlon cun 67 equipas
- Swiss Steel reducescha capacitads
- Ballape: Resultats da la Super League
- Presidenta da la Georgia n'accepta betg il resultat da l'elecziun
- Proposta egipziana per paus da cumbat a Gaza
- PS vul statalisar Sandoz
- Ulteriura victoria per HCD Ladies
- Perricard gudogna Swiss Indoors
