- L'Uffizi federal per communicaziun BAKOM ha instradà ina procedura cunter la SRG SSR Svizra. Sco quai ch'il departament federal conferma in rapport da la Schweiz am Wochenende vegn intercurì, schebain la transmissiun d'in gieu da ballape live sin SRF Info saja stà confurm a las regulaziuns. Sin SRF info po la SSR repeter emissiuns dad infurmaziun – e mo en cas excepziunals emetter live «Eveniments da muntada naziunala». Tenor il BAKOM saja ussa da sclerir la definiziun exacta da tals eveniments.
- Basilea-Citad ha da votar davart il credit per l'ESC – il Eurovision Song Contest 2025. L'Uniun democratica federala ha rimnà 4200 suttascripziun cunter in credit da 37,5 milliuns francs per l'ESC. Passa il dubel da las suttascripziuns necessarias. L'argument da la Uniun democratica federala ch'ha fatg il referendum è che l'ESC haja da far main cun musica. El saja politic ed ideologic, uschia l'Uniun democratica.
- La Taliana Federica Brignone ha gudagnà l'emprim slalom gigant da la stagiun a Sölden en l'Austria. Segunda è vegnida Alice Robinson da la Nova Zelanda e terza Julia Scheib da l'Austria.
La survista dal di
Themen in diesem Newsticker
- Resultats Super League
- Elecziuns Georgia: Partida da la regenza en avantatg
- I spetga la midada da l'ura
- Puspè ina clera chaussa
- Equipas grischunas han success
- Stemprà «Trami» chaschuna gronds donns en las Filippinas
- Wermuth e Meyer restan sco co-presidi da ala PS Svizra.
- Ulteriura victoria per Noe Ponti
- Svizras na dumognan betg tranter las meglras 10 a Sölden
- Era Svizra condemnescha l'attatga israeliana sin l'Iran