Andy Kollegger è il nov president da la cuminanza d’interess da las vischnancas concessiunaras grischunas. Il giurist è vegnì elegì sco successur da Not Carl a chaschun da la radunanza generala a Cuira.
La cuminanza d'interess sa basa sin las vischnancas che survegnan tschains d'aua. Ensemen represchentan els lur interess en la politica e publicitad tras la cuminanza. Ils delegads da las vischnancas concessiunaras èn sa radunads cun ils delegads e las delegadas da las vischnancas pitschnas grischunas. In dals temas principals: Co nizzegiar e bajegiar ora la forza solara en las regiuns alpinas.