Viandants e velocipedists - Chantun rinforza la campagna «fairtrail»
Blers dals turists che passentan lur vacanzas en il Grischun vegnan tar nus per ir cun velo u a viagiar. Per ch'ins possia far quai paschaivlamain in spèr l'auter rinforza il chantun er questa stad sia campagna da communicaziun «Fairtrail».
En la campagna «Fairtrail» vegn fatg reclama per ina convivenza paschaivla tranter velocipedists e viandants. La campagna duai sensibilisar osps ed indigens. Part da la campagna èn tranter auter videos, placats ed inserats en las medias.
Vitiers duain manaders da turas esser engaschads durant 40 dis per discurrer cun esters ed indigens e survegnir uschia impurtants resuns per las destinaziuns e per il chantun.
