Cun la qualitad dal vin grischun da quest onn è Walter Fromm, il cumissari da viticultura dal Plantahof, fitg cuntent. Che la qualitad è uschè buna haja cunzunt duas raschuns: Las autas temperaturas il settember e las notgs fraidas da las davosas emnas, ch’hajan anc ina giada pudì augmentar l'aroma – uschia Fromm.
La quantitad da las ivas racoltadas na saja dentant betg stada cuntentaivla. Cumpareglià cun la media dals ultims 10 onns saja l’entira racolta stada cun bunamain 15'000 hectoliters per 30% pli bassa. Cun quella da record dal 2018 schizunt per 40% pli bassa.