Solidaritad saja bun, ma i na dastgia betg restar tar l'applaus sin il balcun. En mastergns relevants per il sistem duain las pajas vegnir augmentadas a moda persistenta e las cundiziuns da lavur daventar meglras. Quai pretendan l'Uniun sindicala dal Grischun ed auters sindicats alliads per l'emprim da matg.
Ils gronds agids economics che vegnian concedids ussa, stoppian per tut pretsch vegnir dabun a quels e quellas ch'hajan procurà di per di che la Svizra na saja betg crudada ensemen. Particularmain al persunal da tgira, ma era a quel da vendita, da transport ed a la polizia.