Ulteriur Grischun - Sepultura da l’anteriur uvestg da Cuira Amédée Grab

A la sepultura èn era represchentants da la politica stads, tranter auters ils cussegliers guvernativs Marcus Caduff e Jon Domenic Parolini ed il president da la citad da Cuira Urs Marti.

Ils 19 da matg era Grab mort en la vegliadetgna da 89 onns a Roveredo en il Mesauc, nua ch’el era sa retratg. Il 2007 aveva el demissiunà sco uvestg da la diocesa da Cuira or da raschun da vegliadetgna.

Grab aveva surprendì l’uffizi d’uvestg l’avust 1998. Avant aveva el manà la diocesa da Losanna, Genevra e Friburg.

audio

Saira: Sepultura dad Amédée Grab

02:49 min, ord Actualitad dals 27.05.2019.

laschar ir. Durada: 2 minutas 49 Secundas.

Ierta difficila

Amédée Grab era suandà Wolfgang Haas en l’uffizi d’uvestg. Haas ch’era dispitaivel era stà 10 onns uvestg da Cuira ed è vegnì nominà dal Papa sco archuvestg da Vaduz en il Principadi da Liechtenstein. Grab aveva pia surprendì in uffizi difficil e vuleva esser cunzunt spiritual – quai che è era reussì ad el pertge sut sia direcziun era la situaziun en la diocesa sa calmada.

Serrar

03:49

video

Mort e sepultura dad uvestg Johannes Vonderach - TSG 19-02-1994

Or da L’archivar recumonda dals 19.02.1994.

laschar ir. Durada: 3 minutas 49 Secundas.

01:55

video

Sepultura dad uvestg Christianus Caminada ils 22-01-1962 a Cuira

Or da L’archivar recumonda dals 28.01.1962.

laschar ir. Durada: 1 minuta 55 Secundas.

TR Telesguard 17:40