-
Bild 1 von 8Legenda: La survista da Monstein, sin passa 1'600 meters sur mar. RTR/ Angela Hendry -
Bild 2 von 8Legenda: La fatschenta dal vitg ch'ils abitants han salvà e la posta. RTR/ Angela Hendry
-
Bild 3 von 8Legenda: Ina da las duas ustarias da Monstein. RTR/ Angela Hendry
-
Bild 4 von 8Legenda: La segunda ustaria da Monstein. RTR/ Angela Hendry
-
Bild 5 von 8Legenda: La baselgia nova a Monstein. RTR/ Angela Hendry
-
Bild 6 von 8Legenda: La baselgia veglia da Monstein. Qua vegn fatg la radunanza communala, exposiziuns e magari vegn era maridà. RTR/ Angela Hendry
-
Bild 7 von 8Legenda: La scola cumplessiva da Monstein frequentan il mument 13 scolars, l'auter onn 17. RTR/ Angela Hendry
-
Bild 8 von 8Legenda: Il president da vischnanca e scolast Hans Laely avant sia chasa e la scola da Monstein. RTR/ Angela Hendry
Els hajan salvà ina tscherta independenza da Tavau per pudair surprender sezs 4 incumbensas, di Hans Laely, scolast e president da Monstein. Quai èn:
- la baselgia veglia,
- la resgia veglia,
- la schelentera publica e
- la chascharia che vegn duvrada da la bieraria Monstein.
Uschia possian els finanziar ina simpla administraziun communala. E sco vischnanca da fracziun hajan els era dapli pussanza envers Tavau.
Gronda solidaritad dals 180 abitants
Il mument funcziuna quai bain da restar ina vischnanca da fracziun, uschè ditg ch'ils abitants restan activs ed innovativs. L'atun passà era la fatschenta dal vitg sin svanir, uschia han la vischnanca, l'uniun pro Monstein ed ina corporaziun fundada nova cun 130 commembers, salvà ella.
Segir essan nus per part influenzads dals Gualsers. Ch’ins ha gugent contact, dentant betg da memia. Ch’ins vegn ora bain cun il vischin, ma betg memia bain.
Ils da Monstein sajan dentant era fitg engraziaivels a Tavau che haja surprendì incumbensas che Monstein na dumagnass betg – sco per exempel las vias, il guaud e l'aua. Ils abitants da Monstein han gugent ina buna relaziun cun Tavau, surfar na stoppian ins dentant betg.
RR actualitad 08:00