Nova incumbensa per l’uvestg da Cuira suenter sia demissiun: En l’avegnir duaja l’uvestg Vitus Huonder tegnair sidretg il contact cun la confraternitad da Pius. Quai haja decis il Vatican, sco in pledader da l’uvestgieu ha confermà envers l'agentura da novitads catolica CIC a Roma.
Huonder sa retira la primavaira per motivs da vegliadetgna. Silsuenter vegnia el a star a Wangs en il chantun Son Gagl, uschia ses pledader. Là mainia la confraternitad tradiziunalistica ina scola, l'«Institut Sancta Maria».
RR novitads 23:00