La firma da IT Inventx spetga anc adina sin ina decisiun da la dretgira administrativa davart il recurs encunter il project da construcziun dal bajetg «Mehrwerk» a Cuira. Uschè ditg co i cuzza vegn fatg midada en in provisori.
La remisa veglia da locomotivas a la staziun da Cuira è la nova dimora per bun 60 emploiads da la Inventx. Per stgaffir dapli spazi vegn construì ord in bajetg vegl biros provisorics. Malgrà che la construcziun dal nov bajetg principal e sistì ed ina decisiun definitiva pudess anc cuzzar ditg, tegn il cumpossessur da l’Inventix, Gregor Stücheli, vid Cuira – cun tuttas eventualitads.
