-
Bild 1 von 5Legenda: Ha manchentà il terz sez dal Cussegl da la citad: Patrik Degiacomi è però cuntent cun ses resultat. RTR, C. Albin -
Bild 2 von 5Legenda: Resta vinavant en suprastanza. Urs Marti. El è plinavant er il vegl e nov president da la citad. RTR, M. Decurtins
-
Bild 3 von 5Legenda: Er el è vegnì reelegì. Tom Leibundgut. RTR, M. Decurtins
-
Bild 4 von 5Legenda: Vulevan restar en uffizi: Urs Marti, president da la citad da Cuira e Tom Leibundgut (departament 3) (da san.). RTR
-
Bild 5 von 5Legenda: Ils novs candidats. Beath Nay, Hanspeter Hunger, Peter Portmann, Marco Tscholl, Patrik Degiacomi e Salome Mathys (da san). RTR
Las elecziuns a Cuira - las reacziuns
Otg candidats han cumbattì per trais sezs . Dentant be in era propi liber: Quel da Doris Caviezel-Hidber. Ils cussegliers da la citad vertents (dapi il 2012) Tom Leibundgut ed Urs Marti, il president da la citad, vulevan restar en uffizi ed han pudì nizzegiar il bonus dal 'fin da qua'.
Reeligì han ils da Cuira:
- Urs Marti: 5'633 vuschs
- Tom Leibundgut: 4'671 vuschs
Betg cuntaschì il pli absolut ha Patrik Degiacomi cun 3'483 vuschs.
Urs Marti è plinavant vegnì reelegì sco president da Cuira, quai cun 4'875 vuschs.
Segund scrutini
Nagin dals candidats per il terz sez ha survegnì la maioritad absoluta da 3'791 vuschs ch'è necessaria per l'elecziun sco cusseglier da la citad. Il pli datiers, suenter Patrik Degiacomi (308 vuschs memia pauc), è stà Marco Tscholl (PBD) cun 2'139 vuschs (ad el han mantgà 1'652 vuschs).
Reacziuns en las gasettas grischunas
Senza problems sajan Urs Marti e Tom Leibundgut vegnids reelegids a Cuira, quai scrivan las gasettas grischunas dal glindesdi.
Sch'il socialdemocrat Patrik Degiacomi vegnia elegì en il segund scrutini dependia, sch'ils burgais veglian impedir el u betg, uschia sa cloma il commentari da la «Südostschweiz».
Il «Bündner Tagblatt» scriva che Cuira tschertgia in «Budget-Stadrat», cunquai che la paja dals suprastants vegn reducida sin 200’000 francs ad onn.
RR novitads 17:00/06:00