-
Bild 1 von 4. Heinz Gallus. Malgrà il stress da dumbrar, Heinz Gallus, il manader dal biro da votaziuns da Cuira è da buna luna. Bildquelle: RTR, S. Bundi.
-
Bild 2 von 4. Sortir e far mantuns. In emprim pass è da sortir si tut ils cedels da votar sin mantuns. Bildquelle: RTR, S. Bundi.
-
Bild 3 von 4. Dumbrar cedels per las elecziuns dal parlament da Cuira. Radund 100 candidats per 21 sez en il parlament da Cuira - quai dà da dumbrar. Bildquelle: RTR, S. Bundi.
-
Bild 4 von 4. Dumbrar va meglier cun la maschina. Cun la maschina da dumbrar bancnotas vegnan ils cedels da las votaziuns federalas dumbrads. Bildquelle: RTR, S. Bundi.
Heinz Gallus è il manader dal biro da votaziuns da Cuira ed ha gì quella fin d'emna bler da far. Adina puspè scalina ses natel - in dals radund 60 voluntaris ha ina dumonda. Enfin sonda da mezdi eran gia 8'500 brevs cun ils numerus cedels d'elecziun inoltradas.
Enfin oz quinta Gallus anc ina giada cun 600 enfin 1'000 brevs - mintgina cun en 15 cedels da votaziun. Cuira elegia numnadamain la nova suprastanza da la citad ed in nov parlament, vitiers vegnan anc las votaziuns federalas e numerusas votaziuns communalas.
Schema: «gea», «na» u «vit»
In caos na dettia quai dentant betg cun tants cedels. I haja simplamain duvrà in zic dapli preparaziun ed organisaziun. Ultra da quai èn bleras votaziuns er simplas da dumbrar ora. Las federalas u communalas per exempel sajan be da parter en «gea», «na» ubain «vit» e lura da laschar ir tras la maschina da dumbrar bancnotas.
Pli cumplitgà èsi dentant da dumbrar or tut las vuschs per il parlament da Cuira, la vala quai: sortir, controllar, registrar e segirar. Dentant lungurusa saja la lavur betg. Mintgatant datti er da rir, quai sche per exempel nums sco Bill Clinton ubain Barak Obama cumparan sin ils cedels da votar.
Quels dus n'èn definitiv betg elegibels en il parlament da Cuira.
RR actualitad 12:00