La hotellaria grischuna ha pudì nudar dapli pernottaziuns il settember. Cumpareglià cun il settember da l'onn passà èn quellas creschidas per passa 4% sin 460'195, sco l'Uffizi per economia e turissem communitgescha. Las differenzas tranter las regiuns èn però grondas. Il pli grond plus noda la destinaziun d'Arosa cun passa 27% dapli pernottaziun, il pli grond minus la destinaziun da San Bernadino, Mesolcina Calanca cun prest 17% damain pernottaziuns. En l'entira Svizra è il dumber creschì per passa 7% sin tut en tut 4,1 milliuns pernottaziuns.
