La radunanza communala da Trimmis ha approvà unanimamain il quint 2021 che serra cun in surpli d'entradas da radund mez milliun francs. Era il quint dals manaschis industrials da Trimmis è approvà cun in gudogn da radund 120'000 francs. Sper ils dus quints cun dapli entradas che budgetà hani pudì far amortisaziuns extraordinarias da bun in milliun francs. Sco quai che la vischnanca communitgescha, ha il president communal Roman Hug annunzià dad examinar en detagl il pe da taglia a partir dal 2023. Quai pervi dals buns rendaquints dals davos onns.
Gronda malcuntentientscha ha regì pertutgant il traffic – surtut puspè sur Tschuncaisma. La situaziun saja puspè stada inacceptabla. Acziuns da sviar las colonnas dal traffic da l'autostrada A13 hajan la finala bloccà la via chantunala per pliras uras. Da decisiuns en quel grà na communitgescha la vischnanca però nagut.