«Traversadas litteraras» - Invistas en il process da translatar

Mintg’onn surdat l’Uffizi federal da cultura differents premis da litteratura. Las ovras premiadas survegnan ina gronda attenziun, tant da vart dal public sco era da las chasas edituras. Per la surdada festiva vegnan mintgamai publitgads extracts da las ovras premiadas en furma d'in cudesch stampà. Enfin uss en tudestg, franzos e talian. Quai duess sa midar. Quest onn datti emprimas translaziuns rumantschas. Al lavuratori «Traversadas litteraras» han las translaturas ed il translatur rumantschs dà invistà en lur lavur.