Quai è bun da resguardar oravant
- Il glatsch duai esser almain 15 cm gross
- Na betg ir ils emprims dis da fradaglia sin il glatsch ed era betg cura ch'i lieua
- Uschè spert ch'ins percorscha ch'il glatsch rumpa, duessan ins sa metter sin venter per reparter la paisa. Uschia pon ins sa ruschnar enavos enfin tar la riva.
- In'impurtanta regla ch'ins po memorisar bain: mai ir persul sin il glatsch. Sch'ins è en plirs han ins en il meglier cas insatgi che po gidar.
Quai pon ins far sch'il glatsch rumpa
- Era sch'i n'è betg uschè simpel: restar ruassaivel e na betg dar cun chommas e mauns. Uschiglio dovra il corp da memia energia e forzas. Sch'ins sa muventà memia fitg sfradenta il corp pli svelt.
- Sbragir e clamar per agid
- Il pli impurtant è da restar cun il chau sur l'aua. Sch'ins sfundra sut il glatsch perdan ins spert l'orientaziun. Ins po empruvar da sa tegnair vid il glatsch stabil e sch'i va da sa trair a la surfatscha.
Tge far sch'ins è perditga
- Telefonar al 144 e far vegnir l'ambulanza
- Quietar la persuna en l'aua e segirar ella cun in fist, ina suga, in rintg da salvament u ina stgala.
- Impurtant: sch'ins vul spendrar la persuna ord l'aua duess ins be ir e l'aua sch'ins ha anc insatgi che segirescha cun ina suga.
